حبيبي بكتب إحساسي واعذرني على القصور

[مالك الزعبي]

حبيبي بكتب إحساسي واعذرني على القصور

ابكتب بالهوى قصة وحروف ماقدر انطقها


اعزفلك لك قصيدة عشق نسجت حروفها من نور

احكم لي بقصة حب بانت لك حقايقها


حبيبي تدري ان القلب بقربك ينتشي مسرور

وروحي تسبق الخطوة لاجل روحك تعانقها


ياعمري تدري بقلبي لك مسّير ومجبور

وروحي في بحر حبك أحييها وأغرقها


أعذرك يابعد عمري لو ماتعتذر معذور

أعذرك ياهوى روحي ياحاميها وسارقها

بنينا بالهوى أحلام ثلاث سنين وبضع شهور

وحكم قاضي الهوى لروحي وروحك مفارقها


أشوف الدنيا من بعدك بساتين بلا زهور

وأشوف ان العشق كذبة كلام الحب سايقها


أحبك ياهوى عمري وأرددها بدون شعور

أحبك ياضوا روحي ياحاميها وسارقها


أحبك موت ياغالي وأموت بحبك يامغرور

أحبك بكل أيامي وساعاتي ودقايقها

أحبك واسمك بقلبي يبقى بالغلا محفور

أحبك داخل أعماقي أحاسيسي موثقها


كتبت لك يالغلا وادري انت ماجاء منك قصور

يامعنى الوفاء والصدق ياشمس عمري ومشرقها


شعوري لك مايوصف لابكلمات ولا بسطور

لان الروح ترخص لك ياعيون غلا وعاشقها


مع الأيام تنساني وسنين الحياة تدور

تأكد انك بقلبي وروحي ماتفارقها